24 NOV 白浜円月島

經朋友的介紹下, 知道了一個好抵玩的TRIP 是去浸溫泉的 http://yukai-r.jp/  湯快リゾート
大人お一人様・1泊2食付　7800円
加錢可坐埋來回Shuttle Bus


早上難波出發, 中途會停係黑潮市場俾你食下Lunch

到達目的地的旅館 白浜御苑温泉旅館

10分大 & 乾淨, 仲可俾你簡浴衣既款色~
上到房間, 都ok大架,
我地3人 1室, 和室, 都好大架~~ ;D

見仲早於是就去左附近觀光下先!
搭左架覲光船圍左円月島兜左一兜
咁岩 正直日落, 可以睇到粒咸蛋王落正係
円月島個LOAN到! 靚到傻左個景!!

睇完呢個絕景就回旅館浸溫泉食自動餐 ;D 

気持ちよかったわ～；D

23 NOV 2010 赤に染められた奈良

今日好好天氣 去左奈良. 同上次既路線一樣
唔同既係, 條路2邊都有好多紅葉盛放
2邊條路都有鹿仔駐守,
唔知係咪落完雨, 好大風, 都好涷。
今次入左去東大寺, 位位500YEN入場費.
見到好多中(高?)學生旅行入去, 都有唔少外國人
入到去都係睇D 佛像果D, 要問有咩最特別,
可以話係有條柱俾人捐, 聽說捐得過係件好事。
我唔輸洩, 走左去排隊捐下。 捐得過 YEAH =D

之後上埋春日大社, 行左陣奈良條手信街就走LU
出返難波行下心斎橋, 9點幾就收lu d鋪頭..so就返hotel了

22 NOV 2010 赤に染められた嵐山

今日去左嵐山&京都
可惜天公不做美, 由朝早落雨落到夜晚

係嵐山站一出, 就已經見到好多紅葉喇=D
好開心, 大家都好興奮, 影左好多相

之後5點幾搭巴士出返JR京都到搵野食拉
食左紅色閃閃令旅遊書介紹既ラーメン屋さん
價錢唔係話好貴既, 但都唔算話真係好好味..
由於E+ 係紅葉盛放期, 夜晚都有得入清水寺 LIGHT UP
於是就去參拜下喇,果到夜晚既景色係別有一種風味

21 NOV 2010 新幹線初体験

今日為左要迎接我MAMI既8日救援探訪之旅
我選擇左搭新幹線返大阪= =
新幹線由東京去大阪需時3個鐘多D
但價錢就比夜行巴士貴3倍...
完全明白咩叫"時間就是金錢"

如果買正價飛的話, 大概要13xxx yen,
係大黑屋買的話, 就會平dd, 我12xxx就入左手了
冇限時間上車, 冇指定位置, 仲包一次JR西日本既轉車

係新宿食左個拉面, 同朋友分手後就搭去東京站
先去窓口到指定上車時間&位置後就上車了

我冇記錯的話, 佢既route係:
品川>東京>横浜>名古屋>京都>新大阪>神戸>九州方面
我12點幾上車, 3點多就到難波lu..
係新大阪站有個扶手電梯好可愛架
普通果d 係一條斜線落既, 咁佢咁岩果個位有d野頂住左
如果照普通斜線落的話, 乘客一定會撞頭的
於是佢就好醒咁, 去到有野果個位就變左平既
過左果個平位就計續斜線落返, 我第一次搭果時都嚇親XD

如事者, 我好順利咁係MAMI stay既hotel到會合佢地
但果時已經係夜晚, so 只可帶佢地去梅田既HEP FIVE坐観覧車

天公不做美, 落雨了........=(

20 NOV 2010 華やかな東京

東京, 除左原宿係危險之外, 下北澤都好危險
今日同朋友去左下北澤諗住見識下有幾危險拉
結果都係衰左. 敗左幾件衫, 但真係好平=D
再去埋DAIGO地頭 吉祥寺, 又有敗左野

敗到7788就返HOTEL喇


係JR新宿站內見到佢地喇又
隔離仲有NEWS, 個個影完一幅牆就影第2幅

19 NOV 2010 嵐と呼ぶ風景

東京dome, 成日聽人講好好好好好大
等我仲抱好大期望佢會大到連睇mon都要用望遠鏡
入到去, 實際上又好似冇咁大wo...

今日睇arashi concert, 一出JR水道橋果個站
見到係勁~多人舉住「チケットを譲ってください」
但另一邊相, 又有好多黃牛佬係到聊客,
形成左好大個既contrasr & 矛盾. でも、そんなの関係ない！

會場外, 又有另一個現象 - 排con goods...伸手不見龍尾
仲布好多fans著得好出奇
example. leader擔當既會cosplay成うたのお兄ちゃんor怪物君
aiba擔當就有人著到好志村動物園咁拉
一係就全身yellow / red / green 咁, 好多唔同誇張既衣著

1800開演, 2小時前可以入場, 姐係1600開場
さすか日本最大會場東京dome, 入場果時人係多到阿.
好釆場內都有con goods買, 唔駛係出面排咁耐 lucky =D

果然arashi既concert, 真係好好玩, 好high =D
雖然我係山頂既朋友, 但only感受氣氛&聽佢地live都回晒皮
成個concert既mood正都冇野講, 好似大家係到開緊嘉年華咁

睇完concert, 因為dome太大喇, 要分批散走d人
想講下行出東京dome度門會好刺激XD
咁就有一度旋轉門同普通既推門拉, 唔知係咪氣壓既問題
行普通門出去既話,背隻會有一大陣風咁推你出去
D staff就用大聲公係咁同離場既人講小心唔好俾強風吹跌
不過果一野出黎實在係太刺激喇, 好正 =D

散場時實在係太多人喇, 會場外,JR,metro都塞爆晒

18 NOV 2010 フジテレビ見学

今日同朋友打算去FUJI電視台到見學下
FUJI TV位於台場. 冇JR直到, 要轉車
為左慳D 時間, 決定左買日本第一張"8達通" - SUICA
(我係大阪咁耐都冇買過ICOCA架,下下買飛=P )

係赤坂轉車, 順手走出去TBS昅昅共=D
TBS間Store真係會令我發顛架-c-
因為實在太多ジジ既GOODS喇 /U\
順手影埋宮崎監督果個乜差鐘...

去到FUJI, 上左果個波到, 咁岩呢期上緊海猿Movie
個Ball入面就搞緊個海猿展喇
Show左海上保衛庁既Uniform出黎, 太True喇
呢套日劇真係10級好睇=D 當時drama果首主題曲
B'z - OCEAN , 到e+ 唱k都得閒點黎唱下架!! :3

之後落返下面睇佢fuji既節目既展出(?)
太多野可以影, 但偏偏唔記得相機 = =
仲有見到佢貼左張通告出黎話唔記得左幾時會換波
睇到的話都ok想睇下佢點換走個fuji ball XD

去完fuji就去左上野, 咁岩撞正佢time service
勁抵, 於是朋友就掃左超多包返去喇
我都唔輸洩, 以最接近hk超市價錢,買左包辛辣面返去
之後行到咁上下, 就再去池袋 join埋另一個朋友
食了sushi做dinner, 之後充返hotel睇tv 吹水了

聽日睇嵐concert阿, 心情好興奮 ;D

17 NOV 2010 上京之旅

16號夜晚, 我又挑戰夜行巴士LU
今次既目的地係東京，目的係睇嵐既Concert
夜行巴士由大阪上東京 total 4500 yen, 費時8 hours
係上次由大阪上仙台既一半時間。

夜晚2200係梅田上車, 途中有幾個位下落車休息
之後06xx到達東京新宿. 咁早hotel又未有得check-in
d鋪頭又未開, 出面又涷咁, 我係hotel 既lobby坐左2個鐘

朝早10點幾,搭JR去左宅男天堂 - 秋葉原
點解? 因為我要買望遠鏡黎睇CONCERT

見到好多MAID係街頭到招客, 但可惜唔多靚,
有D 什至可以話醜黎形容 =c=

搵左好耐終於都搵到我想要既望遠鏡就走了
之後去左shopping天堂 - 原宿
對上果次黎係我中五畢業阿! ;3
黎到唔少得駛錢拉, 結果買左件衫
之後落雨, 我係冇帶遮既情況下林住雨咁返hotel了

返到hotel, 沖個熱水涼, 訓左陣,
8點幾差唔多9點, 朋友knock我房門,
終於都到了~ 擔心死我
settle down晒後就去左吉野家食飯
之後就返hotel 訓覺了

7 NOV 2010 鹿野仙蹤

今日同YUKI, KINKI & JENNY 去奈良
趁仲有得買果個乗り放題券
(阪神一日任搭+近鐵去奈良單次來回)

奈良站一出. 有條手信街+ 斜路
沿條斜路行上去就會到奈良公園, 東大寺 & 春日大社

行到一半就已經有野鹿既蹤跡喇
不過佢地好唔熱情, 可能食飽喇
我地喂鹿仙餅俾佢地都唔肯食

之後途中係個公園到野餐, 食LUNCH
食完就計續走上去了

到左奈良公園, 果然呢到D 鹿好唔同
超熱情, 拎住仙餅係好危險架
佢地會過黎圍你, 之後唔俾佢的話會咬你件衫, 拎角撞你 = =
我全部中晒蕉咁濟.. =V= 好得人驚


之後向東大寺行拉, 沿路都好多鹿, 同埋旅客
D 鹿係完全唔驚人, 反而D人驚返佢地 XD

東大寺係奈良最古老既寺廟, 入場費位位500YEN


今次我地冇入到去, 之後就行埋上春日大社
日本入神社之前有個位俾你洗手&口
目的係要你潔淨左自己身體先入去拜神
春日大社當然都有, 不過佢果到有個鹿既像係到
唔知係咪因為D 鹿係奈良實在太耐, 變左鹿神?

去完春日大社就搭車走LU, 由於我買左阪神任搭卷
JENNY都買左, 為左唔好浪費呢張野
我地搭左阪神走左轉梅田, 係梅田食左すき屋
行左陣又搭返阪神走了. 佢會兜兜去已經係兵庫縣既尼崎

原來尼崎駅前D建築好尖東FEEL
因為太夜喇, 都肺事深究, 打道回府了

4 NOV 2010 ホームステイ終了

LAST DAY IN HIRAGATA HOMESTAY

今日係homestay既最後一晚,
為左留下美好既回憶,
於是就踩車出枚方市4圍行+影相lu

話說, 係大阪有條淀川好鬼長
長到枚方市都未長完
於是我就去左枚方市淀川果到cycling 喇'




bye bye hiragata、bye bye ママ
お世話になりました！

3 NOV 2010 お買い物

今日HOMESTAYママ帶左我去三井鶴見OUTLET行街
話說今日係祝日,好多人放假渣車黎行街,
SO我地都兜左好耐先有位泊。

三井鶴見outlet, 一階最多岩心水既牌子&衫
on the couch & Lawery's Farm 都好令好抵
唔同HK既東涌OUTLET咁廢,
起碼D 款著上身都唔會真係好似10年前既款咁

好忍手之下,當日用左我一萬円。。。orz

行完街, ママ帶左我地去食焼肉！
第一次係日本食焼肉竟然是唔駛$$ 的! ヤッタ！！！
咁多肉入面都係牛たん＆カルビ最好食 =D
食飽飽就回家去了。

18 OCT 2010 開戶

尋晚ママ係電話介紹左我去佢果開既派遣会社
派遣会社就好似HK既炒散果D HR公司咁
突然間今日就話要面接喇, 超緊張!
神早流流去左ゆうちょ銀行開通賬(ACC)
都搞左成個鐘架. 搞完之後HEA HER聲去左面接
好彩岩岩好 =D 都係好簡單既INTERVIEW,
講左好多敬語, 超緊張。 好彩聽得明姐=D

INTERVIEW時被告知ゆうちょ銀行唔得
一定要三井住友銀行先得, 之後就去左開拉
搞左成3個鐘阿. 本身話外國人一定要係日本STAY OVER 3年
先可以係住友到開, 但我係咁お願い佢..
同埋伙咁話我冇住友A/C就唔返得工, 困ります！って。
THEN, 個部長さん就好好人咁幫我開左了, 但WITH條件
就係離開日本時一定要CLOSE左個ACCOUT佢.. 希望我記得拉!

存摺即日做到出黎, 當日我就拎任2本存摺返屋企了...


好突然地, 明天同EMAN佢地去行嵐山

16 OCT 2010 京都

今日星期6,ママ休み
帶左我去京都既東照宮... WOOOO
由宮之阪から京都まで、C+車要坐一時間
好令阿東照宮真係.,..果然好京都好日本=D
特別要講既野都冇乜...

點幾鐘走時, LUNCH去左食お寿司！！
90円回転寿司、安！！！ 而且真係好好味=D
果然日本既寿司係好唔同, 而且好可愛!!!
注文(落單)之後, D STAFF唔會拎俾你
佢地會係回転果條轉轉轉上面加條道
你D注文整好之後會係果到,用架類似模型車既野飛過黎
好刺激, 好新奇, 好有趣 =D 我WOW左鳥 *0*

食完寿司就去左AU諗住買電話拉
但去左之後佢話我未夠20歲未成年唔買得
一係要寄返去HK俾父母SIGN,一係就等到生日後先買
日本人做野就係唔識變通, FAXアカン. 一定要正本
ややこしい = = 最後我就一時放棄左, 返屋企了.