移動小TIPS 之 亡命夜巴

亡命夜巴? 係咪姐係好似香港D 紅VAN咁?
SURE NOT 拉~~ 2個亡命既meaning黎的@@

點亡法? 訓得差 / 冇得訓 , 時間長, 2/2.5鐘停一停整醒你
但好就好在.... 平 & 多routes !

想當年, 我係大阪上仙台果程, 單程13 hours .. 真係亡命 orz
但當機票單程1x000yen , 新幹線要over 20000yen時...
6000yen 但坐13 hours 真係好好好好好鬼抵 /.\

常用之訂夜巴網:
jambus : www.jambus.jp/
高速バスドットコム :www.kosokubus.com
JR bus : www.jrbuskanto.co.jp/

除左呢3個, 只要上YAHOO JP search 「高速バス　格安」
就會有好多result 出黎了... 當然如果你預左成日坐的話
上面果3個網你做左member book, 每次book都會有point草
1 point當1 yen用, 有時又有做campaign咁, point 10倍
咁又可以當cash用~ (佢多數係你purchase個amount既10% point)
e.g. 6000yen one-way bus -> 便可草到600point下次用 =D

分散買既話反而sai 左d point lu~ 呢層自我衡量了 ;D

多數都係先網上訂位, 限期內係コンビニ俾$$$
コンビニ會俾張收據你, 之後你email會再收多個confirm email
提示你幾時幾日邊到上車, 出發既routes, 預計到著時間...
到上車當日拎你個人, 個收據 & email 去集合地點,
點名上車is ok.. 坐位果d 佢地會一早set好晒俾你,

單人出發就會同同性坐, 前排車多數係男性seat area,
女性係後面...佢地叫「女性安心シード」 女仔單人出發都安心DD

另外真係唔想有男性的話, 都會有女性專用車. 全女性~
不過價錢會貴dd...

仲有d 可以訓得舒服d 既車ge... 但當然相對價錢會貴d 囉@@
2-2 car 最normal (一般旅遊巴design) ; 2-1 car 又有; 豪華seat又有
床位車都有 (分分鐘比坐新幹線貴, 要注意!)

有一次東京上青森參加ねぶた祭り, 來回程全車都full 晒... LOL
回程時實在太累, 第2日仲要返工既關係, 我上車訓到落車 =0=
秘訣係: 自備夜巴安睡SET (吹氣枕頭 & eye mask)
呢個夜巴安睡セット真係好重要、冇左佢, 條頸係會broke ga!

如果學我咁chur 的話, 想落車直踩返工前沖1沖涼?
(if你唔夠時間回家) 可搵搵24hours 錢湯 / net-cafe*

新宿的話, 我知道有一間係西武新宿線的歌舞伎町附近..
名字忘了, 收費大約1000-2000yen

移動小TIPS 假手於人

在日本搬屋 / 轉移陣地的小幫手

想當年我由大阪上京, 行李雖然唔多
但一個小小的女生要搬咁多野由大阪上東京
真的是冇可能, 金錢有限體力有限, 可以點算?

但是2個紙皮相既野要搵搬屋公司的話, 所在是太貴太不化算
日通&クロネコ的単身引越しサービス又有點太多..
最後決定...寄上去!! >)
以為可選擇的往往只有日本郵便、佐川＆クロネコ? 咁就錯了...

在日本時愛用的搬屋(?)service :
メールアド宅急便

http://www.mailaddbin.com/

3辺 170cm ＆ 10KG以降なら、全国990円！

如果寄3個紙皮相的話就3000yen有還
仲上門幫你收, 可指定收件日期時間tim仲 =D
所有登記係上網做, 有email or facebook or twitter a/c就得!

其實可能仲有其他比佢平既, 但我都係用呢個多!
之後佢新開facebook page, 有campiagn.. 一箱99円だけ！

愛移動人士忽七刀留意 ;D

11 SEPT 2011 最後的一個月之有感

OMG, 好耐冇打過 blog na !
對上果篇仲係講地震發生果一日.
話都冇咁快, 咁就過左半年喇.

半年. 時間真係過得好快, 我仲有一個月多D 就要回香港喇
20歲呢一年,真係令我經歷左好多野
我敢講, 絕對唔係一個正常人過到既20歲
太多第一次發生係呢一件喇. 印象最深刻的當然係..
第一次遇到既地震, 竟然就係驚動全世界
日本史上最強的東北大地震...

半年前, 發生地震後, 在日本既外國人好多都回國
WHVers中有一半因為地震而結束左自己既旅程
我都返左香港3星期, 返左HK果3星期, 心理上絕對唔好過
返到HK每日見到TVB NEWS首要新聞都係講日本大地震
就會諗, 我仲有好多日本朋友係日本, 佢地冇得話返祖國避難
只好硬食頂硬上. 明白自己力量渺少到不得了,
但心裡都在想如果可留在日本陪佢地一齊捱過難關,
另一方,家人在香港超級擔心自己, 被親戚反問,
有冇諗過父母屋企人係HK會擔心你? 你的生命不只係屬於你的!
你就算係日本可以做到D 咩? 你確保到自己安全咩?
的時候, 講不出聲... 只好無奈地接受忍痛 之後回家.

回到香港, 會以為好快沒事, 可快快回日本,
點知原爆事件發生了, 事情惡化了, 回日之期一拖再拖
好唔容易先等到時機成熟, 家人同意先回日本
要感恩家人既體諒, 知道自己既任性令家人成日擔心, 真係唔好意思
地震呢一課令我學會好多野, 唔再咁自私, 要真正學識自己照顧自己

睇緊呢篇post既人, 假如你同我同年. 你會點做?

6 AUG 2011 東北點解咁過祭 青森ねぶた祭り

踏入日本之夏, 不只是陽光海灘水著美女(男XD) 等我地
仲有日劇最常見到的夏祭り等緊我地阿~~ HOREY~~

於是同一眾WHV之友北上到青森, 齊齊參加東北最大型既ねぶた祭り！

隊長Prema已Check好6號可以租衫一齊入去玩

於是我地就分批, 齊齊青森等。

早一晚放工後就組小隊坐夜巴東京出發上青森

由於呢個祭り實在太大型太出名喇, 唔少local日本人都會上去睇/玩
所以呢幾日係青森既hotel, net-cafe, 上落東京既夜巴都好full *0*
平時4800yen就可在東京上到青森, 祭り期間要6xxxyen -0-
so早d book is highly recommended.. /.\ hotel大概早半年book 吧(?)

朝早6點幾上到青森, 首先要去搵涼沖!!
於是就去了浅虫温泉駅附近到沖個靚涼~ 點知有意外驚喜

外見佢望落好似普通既澡堂咁, 但佢個溫泉係係8樓頂樓,

一望無際的大海, 再望遠d 就係北海道了!! *0*

only 個view都值回票價 =D 正!

沖完涼回到青森尋找Prema隊長強烈介紹的蘋果汁! ;D

青森的APPLE真的特別好味! 又大又甜 難怪咁出名~

再join返隊員們就去租衫了!!
此祭不同彼祭. 平時大家穿浴衣參加祭り是正常,
不過呢個ねぶた祭り如果你要入去參加跳埋一份的話..

就要去租一套特定的祭り衣装

後面果堆人群就係等睇ねぶた祭り既民眾 XD
遲一日/早一日上去的話, 將會是果堆人入面既其中一粒@@

祭り開始前, 求其去左間餐廳食飯, 點知又一驚喜出現了

一生人入面從未食過如此好味既豚カツ！！！

從未食過咬落去CHAR CHAR聲咁脆口既外層,

肉感如此踏實, 半肥瘦得黎又厚身... 真係好好好好好好味!!

即使飽到個肚突晒出黎差D想嘔, 都難以停止くらい咁好味~

係東京都難得有咁好味既豚カツ！！ 真係好味到傻左!!

食完就出發了~~

一架架的ねぶた裝車到來, ねぶた祭り在黃昏時隨著日本傳統音樂,

太鼓聲和吹奏聲, 還有各dancer(?)走動的鈴鐺聲, 眾人的歡呼聲

喇叭中傳來呼叫聲後. 眾dancer(?) 邊喊ラッセナx2 邊跳2野

移動呢d 裝車既哥哥好鬼man =c= ホレてしまうやろう！！ XD

青森真係看似平凡但充滿驚喜;P

下次再參加過ah要!!

6 APRIL 2011 地震後重回日本前之小插曲 - Seoul

決定左返日本既時候, 買了一張OPEN位既一年期AIRTKT
BY KE , via Seoul , 可free stopover.
就係因為可以free stopover, 就用盡去,
返日本之前, 自己一個人係seoul stopover左一日

在家靠家人, 出國靠朋友
呢句說話係堅架!

5 April 坐凌晨機出發, 到達seoul ICN 時天都未光阿
搭機場bus 出市區 - 先到明洞, 神早流流6 點幾咩都未開
去左starbucks 嘆左個早餐, 入左明洞聖堂到影相觀光

之後去左大學路, 被稱之為藝術地方, 的確幾特別 =D

由於太累, 將行程稍為改改, 轉左去浸韓國溫泉
消除疲勞~ 自己一個去左坐d 中長途巴士
個溫泉同大浴場冇咩分別, 同我イメージずれてる
返市區時, 發生左好有趣既事 XDDDD

係等bus時, 見到有個男仔拎住正文社本韓國旅遊書
仲要同我果本一樣既, 見到佢又係自己一個人!
就走左去逆ナンバ！XDD 點知發現都係HK人!!

之後仲一齊去食飯 , 好唔好意思咁同佢D FD
於是識埋佢D friend, 原來係professional wedding photographer!
好西利!! 遇到佢地識到佢地實在好有緣份! XD

之後搭BUS去機場訓拉諗住, 點知本正文社既bus timetable錯晒
搞到我miss左last bus, 失晒預算之下, 又發生左件有趣事喇
話說, 我係地下鐵到見到有個韓國仔係到玩IPHONE
心諗, IPHONE上到網架~ 叫佢幫我check 下先 =D
雖然check到要等到4am 先有車, 佢都勁勁勁好人咁陪我等!!
super gentleman!! super nice!! 真係陪我等到有車先走
交換左email & facebook, 佢好好人咁email我有冇事

呢個oppa 真係超やさしい！韓国人男性イメージアップ！

無事去到airport, 訓左3-4 hours就要上機返tokyo lu ;D

11 MAR 2011 - 日本一東北大地震

東北仙台大地震

當日早上個個都好如常咁逼JR通勤,
完全係冇先兆之下,發生左日本最大既地震

當日, 係我新バイト既第 2 日返工.
1450, 放lunch break,過去休憩ビル到拎銀包時
行出tokyu hands果一刻, 地下係到搖,
我一開始都未get到係發生咩事, 仲一直企左係2座ビル中間
後尾見到d 同事係咁叫我去有屋頂既地方
我先發覺原來係地震. 佢一直持續左好耐. 強烈既大概有5 mins

由於放break太肚餓, 我見佢細到冇喇, 就出左去幫襯すき屋
係岩岩食完埋單果一刻, 又黎左一次強既, 馬上走左出去
但後尾先知到渋谷咁多招牌, 最危險分分鐘係條街

條街一直都好多人係到避難, 我就搵到地方偷wifi 打俾mum
打通時, 我阿媽都未知有地震.
之後果幾個鐘都一直細細地咁有震...
感覺好似暈緊船浪咁, 好嘔心. 到左4點幾, 開始有消息入黎喇
今日打後全部電車停駛, 開始擔心點返屋企..

後尾公司早放, 我咁岩知道有人都係住練馬區, 都一齊諗點算
最後決定行左去池袋先, 1930出發, 沿路都好多人
有人等巴士, 有人坐係駅等電車重開, 有人去搶購單車,
亦都有好多人同我地一樣, 選擇行路返屋企,

由渋谷行去池袋的路, 人多車多白車多. 行路仲快過渣車
由渋谷区行去新宿区再行去豊島区, 沿住山手線黎行左3.5hours
到達池袋, 打算去駅睇下情況點拉~ 去到見到都未開返咁
打算走既時候, 點知佢突然間開廣播, 話又恢復返,
D人仲拍緊手果時, 我已經全力咁跑去改札
之後就搭左第一班快速回家了. 太好了

27 FEB 2011 上京之路

東京へ引越しました！！ =D
從此我既外星人証既地証又多左個喇!

今次上京之路, 無錯...又係捱夜行巴士=c=
幫襯左Jambus既期間限定route, 大阪 - 池袋
由於我新屋企係係西武池袋線既大泉學園
so 係池袋落車又可慳返一程JR, 又唔駛拖住個gip 4圍去

到達大泉學園, join埋我既roommate 阿寶之後
就去leopalace到拎key lu =D 寶，よろしくね！;P
由大泉學園行去新居, 需要約20 mins, 微妙的距離~
呢到除左車站會有supermarket, bank, 食店之外
其他全部都係住宅黎, 而且d 行人路好狹窄,
好多時都辰讓單車過, 同埋車多巴士多.

新居隔離有familymart, 700m 以內有m記
轉左靚灣走2步有間藥房, 都唔錯阿=D
入到新居, 都唔錯阿~ 2個人住真係岩岩好fit晒阿=D
落地(?) 玻璃, 日頭d 陽光都好充足~ 唔錯!
而且洗衣機係新架!! wowooo *0* 仲有浴缸浸tim ah =D
唔駛再100yen 5 mins喇 =D 成件事好幸福 T^T

之後我同阿寶決定一個訓床, 一個訓床下底個櫃
係公平既決定之後, 我先訓床下底一個月
成件事好ドラえもん同埋好Harry potter阿 XDD

放低d 野就出返大泉學園買日常用品~
買完返黎就要settle down d 野, 又行左去石神井公園果頭
平supermarket 發現! SEIYU! 以後よろしくね～～！